14.07.2025
pśirada se pśigotujo / Beiratstreffen wird vorbereitet
Für Übersetzungen bitte z.B. sotra.app nutzen.
Dokulaž strategiska kupka jo dnja 9.7.25 wobzamknuła wustawki za źěło strategiskeje kupki a pśirady, móžo projektowy tema něnto zachopiś pśigótowaś prědne pósejźenje pśirady. Jo to planowane za oktober 2025 a pótom nanejmjenjej kužde lěto.
Nadawk pśirady jo zapśěgnuś institucionelne partnarje, rozsuźece gremiumy a aktery. kótarež deje pózdźej elementy rěcnego planowanja do statka stajiś do procesa a teke ze źěłom strategiskeje kupki.
Hyšći njejsu wšykne pśedwiźone gremiumy jich zastupniki abo zastupnice pomjenili. Planowane jo sobuźěło wót Rady za nastupnosći Serbow pśi krajnem sejmje, kšywowych zwězkow pó § 4a SK (= Domowina - Zwězk Łužyskich Serbow), parlamentariskeje pśirady Załožby za serbski lud, Załožby za serbski lud, krajneje konference zagronitych za nastupnosći Serbow, za Serbow zagronitego ministaŕstwa kraja Bramborska (= Ministaŕstwo za wědomnosć, slěźenje a kulturu), za kubłanje zagronitego ministaŕstwa kraja Bramborska (= Ministaŕstwo za kubłanje, młoźinu a sport) a Dolnoserbskeje rěcneje komisije.