19.09.2025
nowa forma zjawneje dwójorěcnosći
Dwójorěcne zastanišća we Wětošowje
Z Wětošowa/Vetschau. Teke we Wětošowje maju mjaztym dwójorěcne busowe zastanišća. To wósebne jo, až njejo jano mě zastanišća same w nimskej a serbskej rěcy napisane, ale teke cile tych tamnjejšych busowych linijow. Dwójorěcne tofle instalěrujo wobchadowe towaristwo we wokrejsu Górne Błota-Łužyca VGOSL kšac pó kšacu w serbskem sedleńskem rumje. Zachopiło
z pśesajźenim konsekwentneje dwójorěcnosći pśi zastanišćach jo wobchadowe pśedewześe wokrejsa Dubja-Błota RVS. Tamne zastanišća w sedleńskem rumje maju wšykne dwójorěcne mjenja. Bóžko pak w Chóśebuzu w měsće firma Cottbusverkehr jo rowno instalěrowała pśi stacijach nowe tofle, ako jano nimske su. A to, lěcrownož wšykne wokrejse a bźezwokrejsne město w sedleńskem rumje, wobchadowe towaristwa, wobchadowy zwězk Barliń-Bramborska (VBB) a
zagronite ministaŕstwo su wobradowali, kak dej se dwójorěcnosć w zjawnem wobchaźe pokazaś a zmócniś. Źiwne jo teke, až město Chóśebuz ma wustawki za spěchowanje togo serbskego, ale te za měsćańske pśedewześa ako Cottbusverkehr widobnje njepłaśe respektiwnje město se njestara wó to. Měto Nowak
z pśesajźenim konsekwentneje dwójorěcnosći pśi zastanišćach jo wobchadowe pśedewześe wokrejsa Dubja-Błota RVS. Tamne zastanišća w sedleńskem rumje maju wšykne dwójorěcne mjenja. Bóžko pak w Chóśebuzu w měsće firma Cottbusverkehr jo rowno instalěrowała pśi stacijach nowe tofle, ako jano nimske su. A to, lěcrownož wšykne wokrejse a bźezwokrejsne město w sedleńskem rumje, wobchadowe towaristwa, wobchadowy zwězk Barliń-Bramborska (VBB) a
zagronite ministaŕstwo su wobradowali, kak dej se dwójorěcnosć w zjawnem wobchaźe pokazaś a zmócniś. Źiwne jo teke, až město Chóśebuz ma wustawki za spěchowanje togo serbskego, ale te za měsćańske pśedewześa ako Cottbusverkehr widobnje njepłaśe respektiwnje město se njestara wó to. Měto Nowak
(z: Nowy Casnik dnja 18.09.2025, b. 3)