23.02.2026
1. źěłaŕnicka k temje rěc w familijach a swójźbach
W ramiku wobźěleńskego procesa za wuźěłanje rěcneje strategije su planowane zjawne źěłaŕnicki k jadnotliwym temam.
Prědna źěłaŕnicka jo se wótměła dnja 23. februara w Chóśebuzu. W fokusu jo była rěcne wužywanje w familijach a swójźbach. Pśišli su 15 zajmowanych, wósebnje starjejše ze serbskorěcnych abo dwójorěcnych familijow. Pó nimskorěcnym krotkim pśednoskom k wšakim aspektam wěcejrěcnych familijowych strategijow (dr. Anna Mróz, uniwersita Greifswald) su diskutěrowali w nimskej, dolno- a górnoserbskej rěcy.
Cil jo był, pótrjeby za pódpěru a ideje za rěcnospěchowańske napšawy zběraś. Toś ten input buźo strategiska kupka zapśěgnuś do dalšnych diskusijow rěcneje strategije. 3 cłonki toś teje strategiskeje kupki su teke pśipódla byli a sobudiskutěrowali.
Pó wobźěłanim buźo projektowy team wuslědki prědneje źěłaŕnicki teke how na homepage projekta SROKA wózjawiś. Jo-lic maśo dalšne ideje k tematice móžośo pśecej rad na projektowy team emejlku pósłaś.